गुरुवार, 11 दिसंबर 2008

एक गोटे अपहरित
धनुषा जिलाक बटेswaर गामस अज्ञात समूह बुधक राति स्वास्थयकर्मी पुनित साहके अपहरणक' लेलक अछि। दु टा मोटरसाइकल पर आयल हथियारधारी समुह साह के अपहरण कएने जिला प्रहरी कार्यालय महोत्तरी जानकारी देलक अछि । साह महोत्तरी जिला के किसान नगर उप स्वास्थय चौकी मे कार्यरत छथि। हुनकर परिवारजन सब साह के सकुशल मुक्त करएबामे सहयोगक लेल संचारकर्मी आ मानव अधिकारकर्मीस आग्रह केलक अछि ।
बस दुर्घटनाग्रस्त
काठमांडूस धरान दिस जा रहल एक टा बस धनुषाके धारापानी लग दुर्घटनाग्रस्त भेल अछि। अहि दुर्घटना मे दु गोटे के मृत्यु भेल अछि त पैंतिस गोटे घायल भेल अछि । बहुत बेसी तेज गति मे रहल बस चालकके नियंत्रण सं बाहर गेलाक बाद दुर्घटना भेल बताओल गेल अछि । एहि घटना मे घायल व्यक्ती सबहक उपचार जनकपुर अंचल अस्पताल मे भ रहल अछि। घायल मे स किछ व्यक्तिक अवस्था गंभीर हेबाक जानकारी सेहो प्राप्त भेल अछि।
यातायात बन्द
यातायात मजदुर आ सवारी साधनके सुरक्षाक मांग करैत मेची अंचल के पांच टा यातायात संगठन द्वारा आहवान कैल गेल अनिश्चितकालिन बन्दक कारण मेची अंचल के यातायाट सेवा वृहष्पतिदिन सेहो प्रभावित रहल। मुख्य राजमार्ग पर कोनो तरहक सवारी साधन दोसरो दिन नहि चलि सकल अछि। यातायात स्वतंत्र मजदुर संगठन, अखिल नेपाल यातायात संघ, मेची चालक संघ, यातायात मजदुर संघ पूर्वांचल क्षेत्रिय इकाई, मेची अंचल भलाई कोष एहन संगठन द्वारा अहि तरहक आहवान कएल गेल अछि।
संयन्त्रमे नई रहता नेपाल
नेकपा एमालेक पूर्व महासचिव माधव कुमार नेपाल सरकार संचालन के लेल निर्माण कएल गेल उच्च स्तरिय राजनितिक संयंत्रमे नई बैसबाक घोषणा कएलनि अछि । बीरगंज मे आयोजित एक पत्रकार सम्मेलन मे पुर्व महासचिव माधव नेपाल प्रधानमंत्री के अहि समिति मे नहि बैसलास संयंत्र औचित्यहिन रहल कहलनि अछि। माओवादी विगत मे भेल सहमति आ समझौता विपरित काज क रहल आरोप लगओलनि । नेता नेपाल वाइसिएलक आतंक रोकबाक लेल युथफ़ोर्स गठन कएल गेल बतओलनि । कार्यक्रममे एमाले केन्द्रिय सदस्य आ नारायणी अंचल इंचार्ज केदार न्यौपाने, केन्द्रिय सदस्य पुरुषोतम पौडेल सहितक नेता सहभागी रहथि ।
मजदुर हडतालमे
तलब भत्त्ताक लेल विगतमे भेल सहमति कार्यान्वयन नहि होयबाक बात कहैत मजदूर वृहष्पतिदिन बिरगंज कोरिडोर के उद्योग सब बन्द करौलक अछि । नेपाल उद्योग वाणिज्य महासंघ आ विभिन्न ट्रेड युनियन महासंघ सभहक प्रतिनिधी बीच तलब आ महंगी भत्ता संबंधमे भेल सहमति लागू नहि भेल कहैत मजदुर आन्दोलित भेल अछि । मजदूर सबहक मासिक तलब मे साढे आठ सय रुपया आ महंगाई भत्ता साढे चारिसय रुपया क जमा तेरह सय रुपया वृद्धि करबाक सहमति भेल बताओल गेल अछि । उद्योग वाणिज्य महासंघ आ ट्रेड युनियनके प्रतिनिधी सब बीच एहन सहमति अगहन 15 गते भेल छल। सहमति पालन नहि हएबाक कारण हड़ताल उतड़बा लेल बाध्य भेल मजदुरक कहब छै । ।

3 टिप्‍पणियां:

  1. सुन्दर रचना है लिखते रहें। वर्ड वेरिफ़िकेशन हटा लें ताकि टिप्पणी करने में लोगों को आसानी रहे। जितनी भी टिप्पणियाँ आएँ, उन सबकी तस्वीरों पर क्लिक करके उन ब्ला॓गरों के प्रोफ़ाइल में जावें और उनके वेब पेज में जाकर उन्हें पढ़ने के बाद, पोस्ट अ कमेण्ट या टिप्पणी करें पर डबल क्लिक करके टिप्पणी करें। नेट से बारहा फ़ोण्ट डाउनलोड करके उसे हिन्दी में सक्रिय करके टिप्पणियाँ करें। नए ब्लागर्स की सुविधा के लिए :-
    www.lal-n-bavaal.blogspot.com के सौजन्य से। धन्यवाद।

    उत्तर देंहटाएं
  2. बहुत सुंदर...आपके इस सुंदर से चिटठे के साथ आपका ब्‍लाग जगत में स्‍वागत है.....आशा है , आप अपनी प्रतिभा से हिन्‍दी चिटठा जगत को समृद्ध करने और हिन्‍दी पाठको को ज्ञान बांटने के साथ साथ खुद भी सफलता प्राप्‍त करेंगे .....हमारी शुभकामनाएं आपके साथ हैं।

    उत्तर देंहटाएं